Table des matières
Mpungi udi mua kudila anu bua disanka dia badi bamunvua ne bamanye tshidiye wamba. Kadi, udi mua kudila bua kutabulusha baluanganyi ba nvita. Yuda wakasua bua kukuatshishangana ne bana babu pa malu a dikankamika dikole dia bana babu. Kadi, ku mpala kua didiunda didiunda dia bubi diakadi dibangishe kumueneka ne kubuela « mu nkatshi mua bena lulamatu », mudimu wende, diyi dikole dia muadi, didi dipatuka bua kubalomba bua kuluangana mishindu yonso bua ditabusha. Mushindu kai udibi ne mushinga wa kuvuluisha ne kabidi misangu yonso ABC 1 wa bulelela bua Dî dia Nzambi, padi Nyuma muimpe muikale utulabuisha masanka matambe bunene (Ebel. 5. 12) ! Bu mudi mukanda wa Nzambi wakula apa ne « nansha nuenu bamanye malu onso », tudi mua kudikonka ne tukadi bamane kulesha didiunda ne dikola dietu mu bualu bua Nzambi anyi, katshia tuakudimuna mitshima tudi tuenda tupingana tshia nyima ?
Bu mukanda muibidi wa Petelo, eu wa Yuda udi ne diambuluisha ne bileshelu binene bia mu dipungila dikulukulu, bua kulesha dipambuka dia buena kilisto mu matuku aa a ku nshikidilu. Malu manene abidi adi bumanyishi kudibo : Kuandamuna kua ngasa, mu malu a masandi, ne kupenda kua bukelenge bua mushindu onso (2 Pet. 2. 10, 11). Ngikadilu eu udi ujadikibua kabidi mu meku, mu bilongelu, nansha mu nsombelu wetu wa matuku onso ne wa muaba wa mudimu. Kadi mushindi walua muana udi kayi mukokele kudi baledi bende, kuitabusha bukokeshi bua Mukelenge ?
1. ABC : bulelela.
Tukika ku mpala kua mukanda wa ndekelu wa mu Mukanda wa Nzambi bua kunvua tshivua Nzambi mu bulula ku bualu bua nvula munene wa Noa. Mei a tshiprofete a Panoka adi amona Mukelenge ulua ne bansantu bua kulumbuluisha bantu babi. Bantu babi buonso nebangate difutu bilondeshele bienzedi biabu bionso ne mei onso akakulabu a patoke, katuyi tupua muoyo a minunganyi. Bualu bua bantu aba badi bena « ditontolola, badilakana bua difutu diabu… » (1 Kol. 10. 10). Tshileshelu tshinene ne malu adi kâyi a Nzambi ne disankisha dia nkuka ya mubidi kayena ipesha muntu disanka nansha !
Tutabale bua tuetu petu katuikadi bantu badi kabayi basakididi, katuyi tumanya ne katuyi ne disanku kudi Mukelenge bua bidieye mutuenzele. « Kadi nuenu bananga… ! ». Munkatshi mua didiunda diunda dia malu mabi aa kudi kuikala njila wa kulonda : kudibaka pa dibaka dietu dia tshijila, kutendelela, kuindila kua Mukelenge, kukuatshishangana. Nyuma Muimpe, Nzambi Tatu ne Mukelenge wetu Yesu Kilisto, badi batedibue kaba kamue bu bua kutujadikila ne ku luseke lua Nzambi kakuena bualu budi mua kutupangila kabidi nansha (mv. 20, 21). Bituikala tudi tukuluka (mv. 24), tudi ne bualu bua kuditangila anu tuetu nkayetu. Nansha bikale « balamibue mu Yesu Kilisto », (mv. 1 ; Yone 6. 39), tudi ne bualu petu bua kudilama mu disanka dia dinanga dia Nzambi (mv. 21). Eyo, tudilabule patutshiena pa buloba apa « disanka edi ditambe bunene » ne tupingashe kudi Nzambi wetu Musungidi butumbi ne dikukuila.