Table des matières
Petelo udi ubanga mukanda wende muibidi eu ne divuluisha dia bena kuitabusha bua tshiakapetabu muomumue : ditabusha dia mushinga mukole (mv. 1) ; « bionso » bidi bitangila muoyo eu ne buimpe bua Nzambi (nv. 3) ; ku ndekelu « milayi ya mushinga mukole ne mitambe bunene » (mv. 4). Ditabusha didi diangata bintu bidi Nzambi utupesha kadiena mua kushala ditekete nansha. Bidi bikengela dikuatshishibue ne bukole budi bubikidibue apa ne buimpe buandi 1, bua kufika ku dimanya (muaku udi tshimanyishilu tshia mukanda eu). Ne kabidi bua tuetu kulama tshiuwidi tshionso tshia bukole, didikanda didi ne mushinga, kulonda didikankamika didi dimanye mua kutungunuka mu didikolesha dia mubidi. Mu « ngikadilu wa mushindu eu » malanda etu :
1. ne Mukelenge neamueneke : buimpe bua Nzambi ;
2. ne bana betu : dinangangana dia bana,
3. ne bantu buonso : dinanga (luse).
Malu aa muandamutekete adi akumbasha ditabusha adi enza tshintu tshimue, bu mudi manungu a lukanu. Dijimina diau, didi dipatula bipeta bibi mu nsombelu wa muena kilisto : diatuka, kabai ne mamuma, mu nyuma bafofo, kabai bamona kule ; ditabusha diandi kadiyi mua kujadikibua mu ditekemena dia milayi itshilualua ya musoko udi mu diulu, kipatshila ka luendu luetu lua buena kilisto pa bulopa (fuany. Ebel. 11. 13…). Bibuelele bia ekelesia bua kilisto bikadi bimane kunzuluka, Mukelenge wa butumbi (mis. 24. 7, 9). Yeye nkayende atupeshe mu dimulonda tshibueledi didi ne bubanshi mu bukelenge buende bua tshiendelele !
1. Buimpe buandi (vertu mu français) : tudi bangate dikudimuna didi mu mukanda wa tshiluba kadi udi umvuisha mu dikudimuna dimpe ne bukole bua munda budi buenzesha ditabusha.
Malongesha malelela adi makula mu mukanda wa kumudilu, akadi avuluisha mabuluibau a shap. wa 16 wa Matayi : Makenga a Kilisto, ne dibakibua dia ekelesia nzubu wa nyuma, muibakibue pa lubuebue. Mukanda eu muibidi udi weyemena pa shap. 17 wa lumu luimpe luolumue lua Matayi wakula bua matumbi adi alonda. Tshikondo tshia dikudimuka diandi ku mukuna, Petelo, Yakobo ne Yone bakatangila Yesu mu « butumbi butambe buimpe ». Kadi bakapeta mukeshi wa kubenga kuambila bantu ku mpala kua dibika diandi dia kubafue. Katataka, tshikondo tshidi tshikumbane bua kumanyisha dibuluibua edi. Petelo wakadi mukuatshibue ne tulu tukole (Luka 9. 32) udi ubisha bansatu ku divuluisha dia bualu ebu (nv. 13 ; shap. 3. 1). Yeye wakamana kuakula kai mumanye tshidiye wakula, pakambaye bua bobo kuasa nteta isatu, udi pabuipi bua « kuteka wandi nteta wa pa buloba panshi », mu ditekemena dia kusanka musangu eu tshiendelele ku mpala kua Kilisto mu mubidi wa butumbi (mv. 14). Mukelenge wakamana kumulesha diba ne lufu kai lua tumbishaye Nzambi (mv. 14 ; Yone 21. 18, 19). Katataka bana betu balume ne bana betu bakashi, netuikale petu « bamonyi ba butumbi bunene buandi ».
Mu mifundu, muinda wa tshiprofete udi ulombola bukenke buende ku butumbi bulualua. Kadi muana wa Nzambi yonso udi ne bukenke budi bukenka kabidi. Tshintu tshia ditekemena diandi tshidi munda muandi : Kilisto udi mutoto wa mu dinda, ukadi mumane kujuka mu mutshima wandi (mv. 19 ; Kol. 1. 27 ndekelu).
Bisumbu bidi bifundila dibutuka bidi bidiundadiunda katataka. Bakadianjila kuamba bua dimueneka diabi bua katuikadi nansha bakemeshibue anyi batekeshibue lelu (nv. 1). Badi benduluka mushinga ne bantu (mv. 3 ; Buak. 18. 13 ndekelu).
Mu shap. wa kumudilu bualu bua dimueneka dia butumbi budi buamba kulua buakajadikibua ku malu manene asatu a bumanyishi : tshiekena kumona tshiakadiajila kumueneka pa mukuna ; mei a tshiprofete ; ku ndekelu mutoto wa mu dinda anyi wa nkesha udi mujuka mu mitshima yetu. Muomumue kabidi tshilumbuluidi tshidi tshilua kukuluka kudi bantu ba pa buloba, tshidi tshijadikibue ku bileshelu bisatu : difutu dia banjelo babi (Yuda 6), nvula wa Noa (Mat. 24. 36…) ne dibutuka dia sodomo ne Gomola (Yuda 7). Kadi munkatshi mua tshipungu tshibi, Mukelenge udi utapulula ne usungila udi umutshina (mv. 9). Nansha wakadi ne ngikadilu wa malu a pa buloba, Lota wakadi muntu muakane. Tuboko tua mu mv. 8 tudi tulesha ne, Nzambi udi ufunda muadi onso wa bantu bandi. Kutangila, Lota wakadi mua kudisungila ku makenga aa onso, bu wakamanya bu Abalama mua kuanyisha musoko wa mulayi. Ngikadilu mubi ne wa mpala ibidi ku mpala kua bantu udi mushimi wa dikenga kudi muana wa Nzambi yonso. Lota udi tshinfuanyi tshia muena kuitabusha musungidibue bu musambuke kapia (1 Kol. 3. 15). Kakuikala ne tshibueledi tshidi ne bubanshi mu bukelenge nansha (shap. 1. 11). Mukelenge atulame bua kumufuana (Lota) !
Bua kushimbula dilongesha dilelela bu muakamana shap. 1 kujadika, Satana udi wenza mudimu eu ne mishindu ibidi : Udi unyangakasha – ke tshidiye wenza mu shap. 2 – anyi udi udiela (dilongesha) mpata patoke tô bu mutuaya kumona mu shap. 3.
Biamua bia mudimu biandi bia kupambuisha nabi bantu bidi bileshibue apa mu butoke buabi bulelela. Ne tshimuenenu kai bubi ne tshidi tshitshingisha bu etshi tshia balombodi babi, kudibu kudi bubi bua bukoya bua malu a mubidi (mal moral) budi buenda popamue ne bubi bua dilongesha (mal doctrinal) (mv. 12-17 ; Mat. 7. 15). Bantu’aba badi balaya bakuabu budishikaminyi, buobo nkayabu badi bapika ba nkuka ne majinga a malu mabole (mv. 19). Bualu bua, mei makole kudi muena kuitabusha, « tudi bapika ba muntu utudi batuishibue ». Muntu yonso wa kutudi udi mudishikamine, mupikudibue kudi Mukelenge anyi ? (Yone 8. 34-36 ; Yeshaya 49. 24, 25). Anyi utshiena musuikibue ku lukanu ludi kaluyi mua kuitabushibua ? Buloba ebu mu mei a patoke, budi bukuata bantu mu bupika.
Petelo kena upungila bua kuambuluila bana ba Nzambi malongesha malelela akamanaye kuakuala (mv. 1 ; shap. 1. 12, 13 ; Fil. 3. 1 ; Yuda 17). Katupungidi petu bua kuabala misangu yonso ne kuela meshi.
Bua musangu muisatu tshileshelu tshia nvula wa Noa tshipingane ku tshianza tshia muposto. Mu dishilangana ne badi bapua muoyo didimusha dia Mukelenge (Efes. 4. 18), Banangibue ba Mukelenge kabena mua kupua moyo meshi ende. « Nshikidilu wa buloba » udi babungi bakula misangu mikuabu ne ditshina, misangu mikuabu ne bitekete, nealue a mu tshikondo tshilongolola kudiye. Diulu ne buloba « bia tshikondo etshi » nebibutudibue. Anu lutulu lua Nzambi, ludi lusue kusungila bantu babi, ke ludi luimanyike tô ne katataka tshilumbuluidi etshi. Kena musue bua nansha umue wabu ajimine (Yehez. 33. 11). Ne lutulu elu ludi luenzeka mene ku buimpe tô ne bua baseki badi baluela mpata ne balutatshisha. Ba pa buloba buonso badi babueshibue mu « dibala dia kumuka ku bunene kuya ku bukese » didi kadiyi mua kulongolodibua. Diba nedilue, nedikale dia ndekelu, dikala milayi yonso mindila bikondo bile, mua kukumbana mu bulelela. Malu onso neajike mu dibingisha dia ditekemene dia bana ba Nzambi, bua bundu bua baseki ne bua bantu babi, nuku tshikondo katshiakuikalaku kabidi bua kulua ku « dikudimuna dia mutshima ». (ndekelu wa mv. 9). Lelu ke tshikondo tshia kukudimuna mutshima webe.
Misengelelu ya ndekelu eyi, kayena mijadika bu yaya yakushala ku nyima pa « milayi mimpe ne mitambe bunene » (shap. 1. 4), Kadi pa ebi bionso bidi kabiyi bishala bidi bimueneka mu tshikondo etshi. Tuenze mu menshi kulondolola kua bintu bidi pa buloba bitudi basue kuikala nabi, ne tufunde muinshi muabi ne : « bintu ebi bionso nebijimine… ». Nunku netulamibue bua kuteka mioyo yetu kudibi. Mushindu kai udi kudianjila kuetu kua kumanya malu aa ku mpala, kuakadi mua kutupesha bua kulongolola luendu lua tshijila kutudi (muaku mukuabu munene wa bumanyishi bua Petelo 1. 15, 17, 18 ; 2. 12 ; 3. 1, 2, 16) ne malu a Nzambi. Kakuena bualu budi mua kutupesha ditapuluka ne malu a pa buloba ne bubi kabidi bikala ke meshi a ditekemena dia dindila dia dilua dia Mukelenge Yesu Kilisto dikadi pa buipi. Kakuena tshintu tshidi tshienzesha ditangadisha dia lumu luimpe, bualu bua dilua diende nedikale tshimanyishilu tshia ndekelu wa lutulu luandi ku lupandu (mv. 15). Tuditangile bua Kilisto kutusangana mu ngikadilu udiye musue kutupeta mu dipingana diandi (mv. 14 ; Filip. 1. 1, 10), bamane kudiunda mu ngasa ne mu dimanya diandi (mv. 18).
Mupostolo wakakumbasha mudimu wandi ; udi pabuipi ne « kuteka ntenta wandi (mubidi wandi) ». Ne udi utubikila bua kupetangana mu matuku a tshiendelele adi ditabusha dietu dimona ne didianjila kubuelamu, mu ditumbisha dia Mukelenge wetu ne Musungidi Yesu Kilisto patutshiena pa buloba apa.