Ambuwaemula
1Petero, utumami a Jesu Kristu, Le ambitshanyimi wa lʼehandjwelu wudjashi la Poto, ndu la Ngalatiya, ndu la Kapadokiya, ndu lʼAsiya, ndu la Bituniya, 2wakasonama uku akeyi Unyashungu Shesu ntundu, lʼekidiamelu ka Nyuma, dia vo ndjala la ukitanyia la emongelo ka dikila dia Jesu Kristu: Ngandji ka mamba la ki kafuli lenyu!
“Sangu Dia Pundju, Diahalana, Diahashisho”
3Watumbuli Unyashungu Shi Khumesu Jesu Kristu! Ndi akatuti ntu uma lu ketshi kandi ka wuki, dia shu ndjala la elungamelu ka lumu ne dia eulwelu ka Jesu Kristu uma lu nyoi; 4dia shu ndjala la sangu diahahonde, diahalana, diahashisho, diakawanyukitshiya lʼulungu. 5Nyu ane wambulamema lu wulu a Unyashungu dia mbetawo kanyu, nyayuyala la panda kayenyama le nyu lʼetena kʼekumelu. 6Dikambu ne diambunyongenyangenya efula, naka nyu mpumbaka dia nyangiema etenyi ka tshitshe lʼehimba efula. 7Ne dia ehimbelu ka mbetawo kanyu kuleki paunyi, katushishoka lamʼakihimbawo la dja ushinga a wulu, katanemi la diandu la lutumbu la kenemo lʼenelo ka Jesu Kristu! 8One lakinyu komena, nyu nyambuwuka ngandji. Nyu hanyuwenyi, keli nyambuwetawo, nyambutamanya ngenangena lu ongenongeno a lutumbu waheyama mvuta. 9Nyu nyambulungula panda lʼetema anyu uku ekundjelu ka mbetawo kanyu.
10Amvutshi wakayangi, wakakumiakumia dia panda kene, wakati dia ngandji ka mamba kayuya le nyu. 11Vo wakayangi etena kakona la wuhu akona wʼetena kakawatela Nyuma ka Kristu kaki lʼetema awo lamʼakandawatela dia asui wa Kristu la ntundu, la dia lutumbu lakayayakaka lʼokongo awo. 12Akenyama le wo ati: Vo kundjatshela akambu ane vame, keli wakanyutshela akambu ane watama kakiane lʼenyo a wane wakanyusambisha lukumu lʼololo le Nyuma kʼOlolo, kakatumama uma lʼulungu. Andjelo nangaka menda akambu ako.
13Okone nyolongosole tumba tanyu, nyuyali ki. Nyushikike elungamelu kanyu lu ngandji ka mamba kayuwunyusha lʼenelo ka Jesu Kristu. 14Nyuyali uku ana wʼukitanyia. Tanyuyafanyaki la saki kanyu ka ntundu lamʼakinyu dinginya. 15Keli one lakanyeti, eko ekila, okone ndu nyu nyuyali ekila lu ditshelu dianyu tshe. 16Ne dia ambufundama ati: Nyuyali ekila, ne dia dimi leko ekila.1:16 Lew. 11:44-45; 19:2. 17Naka nyu nyatuwetaka nyati: Shesu, latulumbuyaka untu tshe uku akandatshi aha la shonodi, nyukaki woma lamʼekinyu lene akanyatshanyema. 18Nyeyi nyati: Nyu kuntshungwama la diango diayulana, la fesa kana paunyi, uma lu ditshelu dianyu diʼanyanya, diakanyakiti uma le watshenyu. 19Keli nyu nyakatshungwama la dikila diʼushinga a wulu, uku dia ona okoko laha la munga kuyanga vadi, dia Kristu ndame. 20One lakasonwama ntundu andja watatungama, keli akenama lʼekumelu kʼetena kene dia dikambu dianyu 21Nyu nyambuyala embetawudi wa Unyashungu uma le Jesu lakandulula uma lu nyoi ndu lakandasha lutumbu, dia mbetawo la elungamelu kanyu ndjala le Unyashungu.
22Ne dia nyu nyambedia etema anyu la ukitanyia anyu lu akambu wa mete, dia mbuka anyanyu ngandji mete, okone nyukani ngandji wulu lʼetema anyu. 23Nyu nyakutama ntu, aha lu wuhu wa diango diatulanaka, keli lu wuhu wa diango diahalana, lu diui dia Unyashungu dieli la lumu, dieli pundju. 24Ne dia diui ne dieko ati: Antu tshe weli uku adiyu, Lutumbu lawo tshe leli uku dembo diʼadiyu. Adiyu watolengelaka, alembo watokokaka, 25Keli diui dia Khumadiondjo dieko pundju.1:25 Is. 40:6-8. Diui diako dieli lukumu lʼololo lakawanyusambisha.
“Nyeko Wudja Wakawasonola, Elombedi wa lu Diuhu Dia Khumadiondjo, la Wudja wʼEkila”
1Okone nyunya kolo tshe, ndu adimbiyelu tshe, ndu kesu, ndu kandjema, ndu tendo tshe. 2Nyuyali uku ana wutshiwo kakiane. Nyulangi awele wa diui diʼololo diaha la lukesu, dia nyu mbula lu diui ne edja ndu nyayutana panda; 3ne dia nyu nyambunganela memakana ka Khumadiondjo.2:3 Esam. 34:8.
4Nyuyi le ndi, le dive dia lumu, diakatuni antu, keli dio diakasonwama le Unyashungu, ndu dieko ushinga a wulu. 5Okone ndu nyu nyeko uku ave wa lumu, wambunyete uku luudu la Nyuma, dia nyu ndjala elombedi wʼekila, ne dia nambula elambu wa Nyuma, wangenyangenya Unyashungu le Jesu Kristu. 6Ne dia diui ne diambufundama lu efundelu ati: Enda, dimi lambushikike dive la Siona, Dive dia tshuku, diosonami, diʼushinga a wulu. One lawetawo, hutshama sonyi.2:6 Is. 28:16.
7Ndi eko ushinga a wulu le nyu, nyu wane wetawo. Keli le wane wahetawo, Dive diakatuni ambiki wa luudu, Diakawakitsha lʼote a tshuku,2:7 Esam. 118:22. 8la, Dive, diayutakanya antu, Dive dia wuki diayuwamba,2:8 Is. 8:14-15. ne dia vo wambutakana lu diui, weko la uhedia, wakasonwama lu dikambu ne.
9Keli nyu nyeko wudja wakawasonola, nyeko elombedi wa lu diuhu dia khumʼekanga, la wudja wʼekila,2:9 Etum. 19:5-6; Is. 43:20. antu wa Unyashungu ndame,2:9 Etum. 19:5; Euh. 4:20; 7:6; 14:2; Tit. 2:14. dia nyu menya akina ololo wa one2:9 Is. 43:21. lakanyeti uma lu udjima utsha lu yanyi yandi ya mamba.2:9 Is. 9:2. 10Takinyu antu andi ntundu, keli kakiane nyambuyala antu wa Unyashungu. Nyu kunkundja ketshi ntundu, keli kakiane nyambukundja ketshi.2:10 Hos. 2:23.
Nyetawo Elembe wʼAntu ne Dia Khumadiondjo
11Elangimi, dimi lambunyosengasenga uku angendangenda la ambitshanyimi nti: Nyoseke saki ya dimba, yatoloshaka etema anyu ta. 12Nyuyali la ditshelu diʼololo lʼatei wʼasi wedja. Okone, naka wambunyosongwela vati: Nyu nyeko atshi wa kolo, naka vo wayena etsha anyu wʼololo, ku vo wayutumbula Unyashungu, lu lushi layundakendela.
13Nyetawo elembe tshe wʼantu ne dia Khumadiondjo, kuyanga wa khumʼekanga ka wuki, leli ladiku dia tshe, 14kuyanga wʼembuledi wakandatumi dia nsobwela atshi wa kolo, la dia nemia atshi wʼololo. 15Ne dia Unyashungu nangaka nyu nembohaya eteketateketa wʼakanga a dinginya lu ditshelu dianyu diʼololo. 16Nyuyali uku akanga a ndjadjasela, keli kanyeteki ndjadjasela kanyu uku ukumbo wa nkumba kolo, keli nyuyali uku ekambi wa Unyashungu. 17Nyolemia antu tshe. Nyulangi anyanyu. Nyuki Unyashungu woma. Nyolemia khumʼekanga ka wuki.
Daku le Ekambi
18Ekambi, nyetawo aui wa akhumenyu la woma tshe, aha le wane wʼololo la memakana atu, keli ndu le akanga a ngala. 19Dikambu ne mbetawomaka, naka untu ayushikikala lu nyangu lamʼawusuyawo anyanya, ne dia khumʼutema kandi keko le Unshashungu. 20Lutumbu lakona leko, naka nyayetawo lʼetetemalu lamʼayuwunyokomola ne dia akambu wa kolo wakanyatshi? Keli naka nyu nyayutsha ololo, la nyayetawo lʼetetemalu lamʼanyusuyawo, dikambu diako mbetawomaka lu ashu a Unyashungu. 21Nyu nyaketama dia dikambu diako, ne dia Kristu akanyusuwela, akanyutshikela djimbitelu, dia nyu mbuyela lu wanya andi. 22Ndi kuntsha dikambu dia kolo, kuntanema la lukesu lʼunyo andi.2:22 Is. 53:9. 23Lamʼakawotenge, ndi kumbatenga. Lamʼakandasuyama, ndi kumbanela, keli ndi akayakimo le one latulumbwanyaka ololo.2:23 Is. 53:7. 24Ndi akatembela wutshu wa kolo yasu lu dimba diandi lʼutamba, dia shu wane wakavu lu kolo ndjala la lumu lu akambu wʼololo. Nyu nyakakono dia wimbo andi.2:24 Is. 53:5. 25Ne dia nyu nyakanganela uku ekoko,2:25 Is. 53:6. keli kakiane nyambukalula le Ulami la Umumbi a nyumu yanyu.
Daku le Wadi
1Okone nyu amantu, nyetawo aui a waumenyu,3:1 Ef. 5:22; Kol. 3:18. ne dia naka amotshi hawukitanyia diui dia Unyashuhgu ndu waha la diui dia Unyashungu, wayudietawo ne dia ditshelu dia wadiewo 2lamʼayuwena ditshelu dianyu diʼololo diosohanyi la woma. 3Tanyusaleugaki la elelo ka divu, elengelo ka diango dia paunyi, kuyanga kʼelotelo kʼahondo.3:3 1 Tim. 2:9. 4Keli nyuyali la elengelo kʼushami lʼutema, elengelo kʼutema a memakana la ki kahalana, kʼushinga a wulu lu ashu a Uanyashungu. 5Uku etshelu kene, amantu wʼekila wʼedjedja wakalungamelaka Unyashungu, wakayalenge, waketawo aui a waumewo. 6Uku Sara, akakitanyiaka diui diʼAbarahama, akaweti Khumadioudio.3:6 Etat. 18:12. Tukanula tandi mbenyu kakiane, naka nyu nyayutsha ololo la hanyutshama woma.
Daku le Waumi
7Ndu nyu apami, nyudjase la wadienyu la yimba,3:7 Ef. 5:25; Kol. 3:19. uyuwalemiane dia vo wambunyuleka wodu, la dia vo weko ekito kame la nyu wa ngandji ka mamba ka lumu, dombelo dianyu diatukushimbama.
Daku le Antu Tshe
8Diui dia ndjihelu ne, nti: Nyu tshe, nyuyali la utema otoi. Nyukani ketshi, nyukani ngandji uku untu lʼonangu. Nyuyali la etema wa memakana, nyuyakitshakitsha. 9Tanyukaluyaki kolo lu kolo, kuyanga lotengo lu lotengo, keli nyotshokwani ne dia nyaketama dia dikambu ne, dia nyu nkita otshoko. 10Ne dia, Untu latulangaka lumu, La atulangaka mena nshi yʼololo, Ashimbi lulimi landi uma lu kolo, Ndu elomo andi tawutaki kashi. 11Ndi akadimo uma lu kolo, atshaki ololo; Ayangi ki, akiyeli. 12Ne dia ashu wa Khumadiondjo weko le antu wʼololo, Atui andi weko hwe lu dombelo diawo. Keli elundji ka Khumadiondjo keko le atshi wa kolo.3:12 Esam. 34:12-16.
Nyuyali la KhumʼUtema kʼOlolo: Wane Wasuwa DiʼAkambu wʼOlolo Weko la Otshoko
13Untu akona ayunyutshela kolo, naka nyu la saki ka ntsha akambu wʼololo? 14Keli naka nyu nyayusuwa diʼakambu wʼololo, nyu nyayotshokwama3:14 Mat. 5:10. Tanyuwaukaki woma, tanyudidimaki. 15Keli nyukidia Kristu uku Khumadiondjo lu etema anyu.3:15 Is. 8:12-13. Nyutayalongosodi dia nyu mbeya lama nkaluya diui le untu tshe lanyumbula, dia elungamelu keli lʼetema anyu. Keli nyutshi okone la memakana la woma. 16Nyuyali la khumʼutema kʼololo, okone lu akambu, wane wanyosongwela, watonyolaka ditshelu dianyu diʼololo le Kristu, wayutshama sonyi. 17Naka Unyashungu nangaka okone, nsuyama dia ololo ambuleka nsuyama dia kolo ololo. 18Ne dia ndu Kristu akavu etena otoi ne dia kolo, untu ololo akasuwela antu wa kolo, ne dia ntela le Unyashungu. Dimba diandi diakadiakema, keli ndi aki la lumu lʼutema. 19La lumu lako mbakandatshu la ntusambisha nyumu ya wa lu lukanu la nyoi, 20yaki la uhedia ntundu. Lamʼakakungaka memakana ka Unyashungu lu nshi ya Noa, lamʼakandatshaka watu a luudu, antu tshitshe mbakashimbamela loko lʼashi: antu enanei atu.3:20 Etat. 6:1—7:24. 21Dikambu ne dieko uku djimbitelu ya mete ya batiza kanyushimbela kakiane, aha dia minya mindu ka dimba, keli dia nomba khumʼutema kʼololo le Unyashungu uma lʼeulwelu ka Jesu Kristu. 22Ndi akatshu lʼulungu, eko la lunya la pami la Unyashungu; andjelo, akanga a waulelu la akanga a wulu wakayala lʼokongo andi.
“Tanyuyelaki Saki yʼAntu, Keli Nyuyeli Lulangu la Unyashungu”
1Ne dia Kristu akasuwi lu dimba, ndu nyu nyuyalotsha la tukanyi pupu. Ne dia untu lakasuwi lu dimba, ambushila nkimo kolo, 2diaha nyu ndjela saki yʼantu lamʼekinyu la lumu lu alimba, keli dia ndjela lulangu la Unyashungu. 3Ne dia nshi yakanyayelaka saki yʼasi wedja yakakuki, lamʼakanyakendakendaka lu akambu wa kolo, la songu ya munanyi, la dinwelo dia wanu, la engenongeno wa kolo, la mindju yakanyadjoka wanu, la ditemwelo dia dikishi dia wononyi. 4Vo wambamba, ne dia nyu hanyutshu la wo pulu lu akambu wa kolo ako ntu; vo watunyotendaka. 5Keli vo wayutela one lakayalongosola dia numbuya weli la lumu ndu wakavu akambu awo. 6Dia dikambu ne, mbakawasambisha ndu wakavu lukumu lʼololo, dia vo numbuyama uku antu wasena, keli dia vo ndjala la lumu lʼetema uku eli Unyashungu.
7Keli ekumelu kʼakambu tshe kaya suki, okone nyuyali la yimba yʼololo, nyolembohali, nyolombaki. 8Ladiku dia akambu tshe, nyutamanya mbukana ngandji, ne dia ngandji atukumbaka akambu wa kolo efula.4:8 Tuk. 10:12. 9Nyulungwanilu mvudu yanyu lʼongenongeno, aha lʼungunungunu. 10Uku akalungula untu lʼuntu ushasha, nyuwushani, uku alami wʼololo wa wehu efula wa ngandji ka mamba ka Unyashungu. 11Naka untu atutaka diui, ati uku atandi aui wa Unyashungu; naka untu atukambelaka akina ulimu, atshi la wulu watuwushaka Unyashungu, ne dia Unyashungu atumbwami lu akambu tshe uma le Jesu Kristu. Lutumbu la diulelu wayali le ndi pundju pundʼiu! Ayali osoku!
“Nyongenengene, ne Dia Nyu Nyambusuwa la Kristu”
12Elangimi ami, tanyambaki dia akambu wa wulu weli lʼatei anyu, wambuya le nyu dia nyuhimba, nyati: Dikambu dʼuyuyu diambuya le su. 13Keli nyongenengene, ne dia nyu nyambusuwa la Kristu, ne dia nyu mbeya ngenangena lʼongenongeno utamanya lʼenyelo ka lutumbu landi. 14Naka nyu nyambotengama dia lukumbu la Kristu, nyu nyeko la otshoko, ne dia nyuma ka lutumbu ndu ka Unyashungu, keko la nyu. 15Keli omotshi lʼatei anyu tasuyamaki uku tomboki, kuyanga uku uvi, kuyanga uku utshi a kolo, kuyanga uku kanga esaku lu akambu wa kana. 16Keli naka untu omotshi ambusuyama uku usika Kristu, ndi tukaki sonyi, keli ndi atumbuli Unyashungu lu lukumbu lone, 17ne dia etena kambukuka dia elumbwelu ntatela le wa lu luudu la Unyashungu. Naka to kambutatela le su, ukundi ayuyala ekumelu ka waku wahakitanyia lukumu lʼololo la Unyashungu? 18Ku Naka untu ololo ambushimbamela, Lendi ayenama omonyodi la untu a kolo?4:18 Tuk. 11:31.
19Okone wane wasuwa uku lulangu la Unyashungu, wakimo etema awo lu akambu wʼololo le utungi leli la kolamelu.
Alaku Amotshi
1Dimi lambokokomiya dikumanyi dia lʼatei anyu, ndu dimi keli ekumanyi, ndu omenyi wʼasui wa Kristu, ndu ulungudi a lutumbu layanga menama, nti: 2Nyulamaki ekoko wa Unyashungu5:2 Joa. 21:15-17. weli lʼatei anyu. Nyuwalami, aha la khudu, keli la etema wʼongenongeno, uku eli lulangu la Unyashungu, aha dikambu diʼukundji, keli la yimba yolongoswami. 3Tanyahamelaki wane weli lʼokongo anyu, keli nyuyali tulimbitelu tʼololo le ekoko. 4Lamʼayene Ulami a wuki, nyu nyayulungula Jembo dia kusu dia lutumbu, diahalana. 5Okone nyu akenda, nyetawo aui wa dikumanyi. Ee, nyu tshe nyuyalotsha la ndjakitshakitsha, ne dia nkambanela, ne dia Unyashungu atutunaka akanga wʼutaku, keli atushaka wane wayakitshakitsha ngandji ka mamba.5:5 Tuk. 3:34.
6Okone nyuyakitshakitsha la tshina dia lunya la wulu la Unyashungu, dia ndi nyumbiya lamʼayukuka etena kanyu.5:6 Mat. 23:12; Luk. 14:11; 18:14. 7Nyukitsha ukananu anyu tshe le ndi, ne dia ndi atunyukanelaka. 8Nyuyali ki, nyendaki. Utunyi anyu uhimnanyi atokendakendaka uku tambwe kadikita kayanga walendi. 9Nyutetemali mbutuna lu mbetawo kanyu; nyeyi nyati: Anyanyu wa la kete watusuwaka pupu. 10Unyashungu a ngandji ka mamba tshe lakanyeti lu lutumbu landi la pundju le Kristu, lamʼayunyusuwa etenyi ka tshitshe, ndame ayunyuluwanya, ayunyushikike, ayunyukikitsha. 11Diulelu diayali le ndi pundju pundju! Ayali osoku!
Ambatumela Moyo
12Dimi lambunyufundela aui tshitshe ane le Silivano,5:12 Etsh. 15:22, 40. latami nti: Unyasu la kolamelu; lambunyokokomiya dia nyenya nti: Ngandji ka mamba ka Unyashungu a mete kene; nyuyashikike loko. 13Ekelizia wa la Babilona, wambosonama la nyu, wanyutumela moyo. Ndu Mako5:13 Etsh. 12:12, 25; 13:13; 15:37-39; Kol. 4:10; File. 24. onʼami anyutumela moyo. 14Nyononani la ngandji.
Diui DiʼEtshokwelo
Ki kayali la nyu, nyu tshe weli le Kristu!