HEBERU

Chapitres

 1. 2  -   2. 2  -   3. 3  -   4. 4  -   5. 5  -   6. 5  -   7. 6  -   8. 8  -   9. 8  -   10. 10  -   11. 11  -   12. 13  -   13. 15

HEBERU 1

Unyashungu Akati Diui Diandi Dia Ndjihelu lʼUnyo wʼOnʼAndi

1Lu nshi yʼedjedja, Unyashungu akatelaka watshesu aui andi lʼenyo wʼamvatshi lu akambu efula la wehu efula wu ditelu. 2Keli lʼekumelu ka nshi yako, ndi akatela diui lʼunyo wʼOnʼandi, lekendesonola ukito a diango tshe, uma le ndi mbakandatungi andja. 3Ndi eko ngaingai ka lutumbu landi, ndu efanelu kʼutundu andi. Ndi atukimelaka diango tshe ala diui diandi dia wulu. Lemʼakandashidiya mbedia akambu wa kolo, ndi akadjase lu lunya la pami la Khumadiondjo ka lʼulungu; 4akayala uku leli ladiku dia andjelo, ndu lukumbu lakandakundja ndeka kumbu yuwo ololo.

Ona Kuleki Andjelo: Dieli la Antu Dia Ndeka Mbukela

       5Ondjelo akona akandatelu ati: We keli Onʼami, Elo kukutshimi?1:5 Esam. 2:7. Ndu ati: Dimi layuyala Shi le ndi, Ku ndi ayuyala Ona le mi?1:5 2 Sam. 7:14; 1 Ek. 17:3. 6Ntu, amʼakandayanngi ntuma onʼandi lʼenundu la kete, ndi akati ati: Andjelo tshe wa Unyashungu wotemole.1:6 Euh. 32:43. 7Ndi akati dikambu dia andjelo ati: Ndi tuhiluyaka andjelo andi pepe, Ndu ekambi andi nyumbi ya dja1:7 Esam. 104:4. 8Keli ndi mvutaka dia Ona ati: We Unyashungu, kiti kaye ka diulelu keko pundju pundju. Danga dia diulelu diaye dieko danga diʼakambu wʼololo. 9We akalangi ololo, akahetsha kolo. Okone Unyashungu, Unyashungu aye, Akakukiti iso kʼongenongeno wuleki anyaye.1:9 Esam. 45:6-7. 10Ntu, We, Khumandiondjo, lakahiki tshina dia kete lʼetutelu, Ulungu eko ulimu wʼanya aye. 11Diango ne ntayushisho, keli we kayutshikula pundju. Dio tshe diayolombo uku dihondo. 12We ayuntomba uku ukutu, La uku dihoado, ku dio  niayukantmo. Keli we eko pupu pundju, Deku diaye hadiushila.1:12 Esam. 102:25-27. 13Keli ondjelo akona akannatela etena kemotshi ati: Udjase lu lunya lami la pami, Edju ndu lumʼayumete atunyi aye Kihuna kʼekulu aye?1:13 Esam. 110:1.

14Vo tshe waha nyumu yatukambaka, yakadautumi dia nkambela wane wayukitu panda ulimu uka?

HEBERU 2

“Ukundi Ayutuhanda, Naka Tambukale Panda?”

1Okone dieli la su dia ndeka nkana akambu wakatuki, shu tatukangana uma le wo. 2Na dia naka diui diakati andjelo ntakashikikala, ndu kolo tshe la uhediu wakalungula difutu diedimi la etsha uko, 3ukundi ayutuhanda, naka tambukale panda kene ka wuki? To kukatutela Khumanioadjo ntundu, ndu kakashikikala le su uma le wane wakakiuki. 4Ndu Unyashuagu kukati diui kume la wo lu tulimbitelu la akambu wu mamba, lu akambu wa wulu wu wehu efula, ndu lu eshushu wu Nyuma kʼOlolo, uku lulungu landi.

 

Ndi Ambuleka Mbeya Nkimanyia Antu ne Dia Ndjakitshakitsha Kandi

5Ne dia ndi kumbete wa la kete yayayi yatasu la tshina diʼandjelo wa Unyashungu. 6Keli untu omotshi akatutela lu dihuli dikina ati: Untu akona luwuhwe? Kana onʼa untu, akona lakendelaye? 7We kakutungi yema tshitshe la tshina dia andjelo; We akulimbe dembo dia kusu la lutumbu ndu la kenemo, Akûkitsha ladiku dia elimu wa anya aye. 8Ndi akete diango tshe la tshina diʼekulu andi.2:8 Esam. 8:4-6.

Ne dia ndi akete diango tshe lʼokongo andi, nduku engo kakandatshiki, kaha lʼokongo andi. Keli kakiane, shu hatenyi diango tshe dietema lʼokongo andi. 9Keli shu menaka Jesu, one lakawaete lʼokongo wa andjelo yema, ulimbi dembo dia kusu la lutumbu ndu la kenemo ne dia asui wa nyoi, ne dia ndi mvwela antu tshe, dia ngandji ka mamba ka Unyashungu.

10Diango tshe diakatungama dikambu diandi, diango tshe diakatungama uma le ndi. Okone ndi akela ana efula lu lutumbu, dia nduwanya utungi wa panda kawo uma lʼasui. 11Ne dia one latukidiaka la wane wambukidiama weko tshe kame. Okone ndi huki sonyi dia mbaeta ati: Anyasu; 12ata ati: Dimi layutela anyasu lukumbu laye, Layukimbela esambu wa nkandula lʼatei wa lusanganya.2:12 Esam. 22:22.

13Ndu ntu ati: Dimi layuwekama.2:13 Is. 8:17. Ndu ntu ati: Dimʼone, dimi la ana wakambisha Unyashungu.2:13 Is. 8:18.

“Ndame Akasuyama, Akahimbama, Mbeyandi Nkimanyia Wane Wambuhimbama”

14Okone, ne dia ana weko la emunyi la dikila, ndu ndame akayala uku vo; dia ndi nembia laki la wulu a nyoi, letawo vati: Uhimbanyi, uma lu nyoi kandi; 15la dia ndi ntshungula wane tshe wakatshungama uma lu fumbi ka woma a nyoi. 16Mete, ndi hakimanyia andjelo, keli ndi atukimanyiaka tukanula tʼAbarahama. 17Okone diaki la ndi dia nfanyema la anyandi lu akambu tshe, dia ndi ndjala olombedi a ladiku a ketshi la wa kolamelu lʼulimu a Unyashungu, ne dia nambwela antu ulambu wa kolo yawo. 18Ne dia ndame akasuyama ndu akahimbama, mbeyandi nkimanyia wane wambuhimbama.

HEBERU 3

Jesu Ndeka Mose

1Okone, anyasu ekilami, waketama la su lu leta la lʼulungu, nyukani dia utumami, olombedi a ladiku ako lakatetawo, Jesu ndame. 2Ndi aki la kolamelu le one lakosonola, uku aki Mose lu luudu tshe la Unyashungu.3:2 Wal. 12:7. 3Ne dia Jesu akakuki dia ndjala la lutumbu la wuki uleki Mose, uku eli umbiki a luudu la nemo uleki luudu. 4(Ne dia mvudu tshe yatuhikamaka le antu, keli umbiki a diango tshe eh Unyashungu.) 5Mete, Mose aki la kolamelu lu luudu la Unyashungu tshe uku ukambi; ndi aki omenyi wʼakambu wakahumbi mvutama. 6Keli Kristu aki ladiku dia luudu la Unyashungu uku ona. Shu teli uku luudu landi, naka shu tayushikikala lu dihunga diasu, lu lutumbu ndu lu elungamelu kasu edja ndu lʼekumelu.

“Naka Nyambuka Diui Diandi Elo, Tanyukikitshaki Etema”

7Dia dikambu ne, mbakatutela Nyuma kʼOlolo ati: Elo, naka nyayuka diui diandi, 8Tanyukikitshaki etemo anyu, Uku lu nshi yʼuhedio, Uku lu lushi lʼehimba lʼusui, 9Lene akampimbi wotshenyu, Lamʼokowenyi etsha ami deku akumi anei. 10Uma lu dikambu so, mbakamdutsha wa lolonga lako kele; Mbakamati nti: Vo watunganelaka nshi tshe lʼetemo awo; Vo howeyi mbuka yomi. 11Okone mbakamatshibi la kele nti: Vo hawotoki lu mumuya kami.3:11 Esam. 95:7-11.

12Anyasu, nyewo, untu omotshi lʼatei anyu atukuyala la utema wo kolo waho lo mbetawo, la ntombokwela Unyashungu a lumu. 13Keli nyulakanaki la lushi lo lushi, uku lushi letawo vati: Elo, ne dio otoi anyu atukukikitshama la lukesu lu akambu wo kolo. 14Ne dia shu tambuyala embekesanedi wo Kristu, naka toyutetemala nkimela elungomelu kasu wulu edja ndu lʼekumelu, 15lamʼakawati vati: Elo, naka nyayuka diui diandi, Tanyukikitshaki etemo anyu, uku lu nshi yʼuhedia3:15 Esam. 95:7-8.

16Wa na wakahedia lamʼakawuki? Aha waku tshe wakatumbi lo Mose uma lʼEdjibitu uka? 17Wa na wakawutsha kele deku akumi anei? Aha waku wokatshaka akambu wa kolo, wakako olimbo owo lʼusui uka? 18Wa na wakandatshibelo ati: Nyu hanyoto lu mumuya kami, aho pako waku woki la uhedio?3:18 Wal. 14:1-35. 19Shu tambena shati: Vo kumbeya mboto, ne dia uhedia owo.

HEBERU 4

Embetawudi Etu Mbayoto lu Mumuya Kakandalaki

1Okone, lamʼeki daka dia mboto lu mumuya kandi, tuki woma, ne dio omotshi anyu atukuheko mboto loko. 2Mete, wakatusambisha lukumu lʼololo uku vo, keli diui diakawuki kundjala waho le wo, ne dia dio kundjala kame la mbetawo le wane wakadiuki. 3Ne dia shu wane wakayetawo, mbamboto lu mumuya kako, uku akandati ati:

Uku akamatshibi la kele nti: Vo hawoto lu mumuya kami,4:3 Esam. 95:11. kuyanga elimu andi wakashidiama umaka etungelu ka kete. 4Ne dia ndi akati lu dihuli dikina dikambu dia lushi lʼesambeli okone ati: Unyashungu akumuya lushi lʼesambeli uma lu elimu andi tshe;4:4 Etat. 2:2. 5la lu dihuli diako ntu ati: Vo hawoto lu mumuya kami.4:5 Esam. 95:11. 6Okone, ne dia dihuli diambutshikala dia amotshi mboto loko, ku waku wakawasambisha lukumu lʼololo ntundu komboto loko ne dia uhedia, 7ndi akasonola lushi lomotshi ntu, ati: Elo, uku akati Davidi lamʼaketi etenyi kʼutali, uku akawati ntundu vati: Elo, naka nyayuka diui diandi, Tanyukikitshaki etema anyu!4:7 Esam. 95:7-8. 8Utunduyala Jashua akawasha mumaya,4:8 Euh. 31:7; Jas. 22:4. tshiki Unyashungu kumbatela dia lushi lukina lʼokongo diku. 9Okone mumuya ka lushi lʼekila kambutshikala le antu wa Unyashungu. 10Ne dia one lotwe lu mumuya kandi, ambumuya uma lu elimu andi, uku akumuya Unyashungu uma lu elimu andi.4:10 Etat. 2:2.

Diui Dia Unyashungu Dieko la Wulu Ndu la Diesa

11Okone tutetemali dia shu mboto lu mumuya kako, untu takokaki uku djimbitelu ku yʼuhedia. 12Ne dia diui dia Unyashungu dieko la lumu, la wangasanu, la diesa diuleki yombo ya pemo wedi ehendi, dio diatutundulaka edja ndu diambatanya utema la nyuma, ndu asonga la ehihu. Dio mbeyaka nimbitela tukanyi la saki ya utema. 13Nduku engo kakatungama, kahenama lu ashu andi. Keli diango tshe dieko etakataka ndu diatenamaka hwe la ntundu ka ashu wa one lahumbasu.

Jesu, Olombedi a Wuki a Ladiku

14Okone, ne dia shu teko la olombedi a wuki a ladiku laketi lʼatei wʼulungu, Jesu, Onʼa Unyashungu, tutetemali nkimela mbetawo kasu. 15Ne dia shu kema la olombedi a ladiku laheyi ntuka ketshilu weodu asu, keli shu la olombedi a ladiku lakahimbama lu wehu tshe uku shu, keli kuntsha kolo. 16Okone tusukani la dihunga lu kiti ka diulelu ka ngandji ka mamba, ne dia shu mbukama ketshi, la dia shu mena ngandji ka mamba ka ntukimanyia lʼetena la uhumba.

HEBERU 5

Ulimu wʼOlombedi a Ladiku

1Ne dia olombedi a ladiku tshe lambosonwama uma lʼatei wʼantu, ambosonwama dikambu dia antu lu akambu wa Unyashungu, dia ndi nkimo eshasha la elamba wu nyimanyia kolo. 2Ndi mbeyaka ndjala la memakana le akanga a dinginya la le amunganedi, ne diu ndame keli lʼatei wʼubanga a weodu. 3Dia dikambu ne, dieli la ndi dia nambula ulumba dia kolo yandi uku alambulandi dia kolo yʼantu.5:3 Lew. 9:7. 4Nduku untu uyuyaosela kenemo kene tshikima Unyashunga kuwetshi, uku aki Arona.5:4 Etum. 28:1.

Kristu Keli Olombedi Asu a Ladiku

5Osoku ndu Kristu kanajutambula ne dia ndjalu olombedi a ladiba, keli one lukatumbula bukawatela ati: We eko Onʼami, Elo bakatshimi;5:5 Esam. 2:7. 6Uku atandi lu dihali dikina ati: We keli olombedi pandju, Uku Melebizedeke.5:6 Esam. 110:4.

7La nshi yakindi lu dimba, Jesa akatemolaka la akasengasengaka one laki lu wala a mbushimbela uma lu nyoi la dela dia wala la asoi lu ushu5:7 Mat. 26:36-46; Mak. 14:32-42; Luk. 22:39-46. ku ndi akawakela ne dia woma wakandukaka Unyashunga. 8Kuyanga ndi aki Ona, ndi akeki ndjala la ukitanyia la akamba wakandasuwaka. 9Lamʼakandaluwanyema ololo tshe, ndi akayala atungi a panda ka pundju le wane tshe watukitanyiaka. 10Ndi aketama le Unyashunga ati: Olombedi a ladiku aka Melekizedeke.

Awele ne Dia Ana wʼAshashi; Mbu ya Nde ya Wulu ne Dia Dikumanyi

11Sha la akambu efula wa mvuta dikambu diandi, weli wulu a nyukadimwela, ne dia nya nyambuyala puki. 12Kuyanga etena kambeta ka nyu ndjala embetsha, nyu nyambuhumba ukina nyetsha akambu wʼetatelu kʼaui wa Unyashungu ntu, ndu nyambuyala uku wane wahumba awele, aha mbu ya nde ya wulu. 13Ne dia untu tshe laloma awele, atekelaka diui dia akambu wʼololo; ne dia ndi eki ona ashashi.5:13 1 Kor. 3:2. 14Keli mbu ya nde ya wulu ndjalaka ne dia etshundju wʼantu, wane wambekela, la wambuyala la tumba ta ntshikitanya ololo la kolo.

HEBERU 6

Tutetemali lu Ditshelu DiʼEtshundju wʼAntu

1Okone tutshiki dietshelu dia ntunduntundu dia Kristu, tutetemali lu ditshetu diʼetshundju wʼantu. Tatuhikaki tshina diʼekadimwelu kʼetema kʼuma lu etsha wa nyoi ntu, ndu dia mbetawo kʼutsha le Unyashungu, 2kame la wetshelu wa batiza, la ahelu kʼanya, ndu la eulwelu kʼuma lu nyoi, ndu la elumbwelu ka pundju. 3Shu tayutsha osoku, naka Unyashungu ayetawo. 4Ne dia waku wakenyi yanyi ya Unyashungu etena kekina, la wakalungula ushasha uma lʼulungu, la wakayala amboshi wa Nyuma kʼOlolo, 5la wakunganela diui diʼololo dia Unyashungu, la wulu wʼetena kayayi, 6ku lʼokongo diku wakanganela, ku heyana dia mbakaluya ntu lʼekadimwelu kʼtema ne dia vo wambudiaka Onʼa Unyashungu ntu, wambuwutsha sonyi lu seke. 7Ne dia kete yatomenaka mvula yatolokaka tena efula loko, la yatutumbiaka mbu ya nde yʼololo le wane wayombela, yo yatulungulaka otshoko uma le Unyashungu. 8Keli naka yo yayutumbia atende la ahangulakoi, yo yayutunama, yayuyala lasuki la mbidjama mananu.6:8 Etat. 3:17-18. Ekumelu kayo eli dia ntshumbama.

Nyutetemali, Tanyuyalaki Tusuasua

9Elangimi, tambulungamela akambu wuleki ololo le nyu, akambu wambuyelana la panda, kuyanga mbatasu osoku. 10Ne dia Unyashungu kema kolo, dia ndi mbuhela ulimu anyu la ngandji kakanyenya antu lu lukamba landi, uku akanyakimanyia ekilami, ndu uku atshanyu edja ndu elo. 11Shu nangaka nyu tshe untu lʼuntu ntetemala dia ndjala la ukalanganu one lu akambu tshe wʼelungamelu edja ndu lʼekumelu, 12diaha nyu ndjala tasuasua. Keli nyukuya wane wambukita alaka ne dia mbetawo la etetemala kawo.

Etshibelu ka Unyashungu Kahakadimo: “Elungamelu Kaka wa tukitshiya”

13Ne dia lamʼakalaki Unyashungu Abarahama daka, ne dia ndi kumbeya ntshiba ukina luleki wuki, ku ndi akayatshibela ndame, 14ati: Mete, dimi layakotskokola, ndu layukufadia.6:14 Etat. 22:16-17. 15Okone Abarahama akayala la memakana, akalungula daka diako. 16Antu watutshibaka luleki wuki uleki ndjatshiba vame, lu tamu tawo tshe, etskibelu keli diui dia nshidiya dikambu. 17Okone lamʼakalangi menya ekito wa daka ati: Diui diami hadiukadimo, ndi akahanya etshibelu ladiku, 18ne dia akambu ako ahendi kawukadimo, la Unyashungu heyi mvuta kashi lu akambu ako. Shu la dikambu dieya ntukikitsha, shu ane wakalawo dia nungula elungamelu kakawatukitshiya. 19Elungamelu kako keko uku lungu la mashua lʼutema, keli la mete la eteti, ka mboto lʼatei a dikondo6:19 Lew. 16:2. diʼekambamdla. 20Lu dihuli diako, mbakatotwela Jesu uku utatedi lamʼakanda yala olombedi a ladiku uku Melekizedeke pundju.

HEBERU 7

Jesu Olombedi a Ladiku Uku Melekizedeke

1Nu dia Melekizedeke one, khumʼekanga ka Salema, olombedi a Unyashungu a lʼulungu, akahumana lʼAbarahama lamʼakandayakalulaka uma la ntudiaka khumi ya dikanga, akotshokola. 2Ku Abarahama akakahana la ndi etenyi ka dikumi ka diango tshe.7:2 Etat. 14:17-20. Ekadimwelu ka ntanda ka lukumbu landi, kaki khumʼekanga ka akambu wʼololo, ndu kkumʼekanga ka Salema, kitshimudi ati: Kkamʼekanga ka ki. 3Ndi aha la shi, aha la nyangu, aha la watshendi, aha lʼetatdlu ka nshi kana ekumela ka lumu, keli wakawete uku Onʼa Unyashungu. Ndi ambatuhikala olombedi pundju.

4Nyukani yimba dia waku waki untu one wuki! Tshesu Abarahama akawusha etenyi ka dikumi ka diango dia dimbu diuleki ololo. 5Mete, tukanula ta Lewi tutu mbatulungulaka ulimu wʼolombedi. Okone vo ndjalaka la olembe wa mbosa tenyi dia dikumi uma le anyawo,7:5 Wal. 18:21. uku yediko yʼelembe, keli vame wakuto uma le Abarahama. 6Keli one laki kumbalema uma le wo, akose tenyi dia dikumi uma le Abarahama, akatshokola one laki la alaka. 7Keli hatamanya tamu, one luleki tshitshe akatshokwama uma le luleki wuki. 8Antu watuvokaka, mbatulungulaka tenyi dia dikumi lindu, keli wambututela dia ukina leko, leli la lumu. 9Okone shu mbeyaka mvuta shati: Lewi, katulungulaka tenyi dia dikumi. Ndi ndame atukimoka tenyi dia dikumi uma le Abarahama, 10ne dia ndi aki lʼutema a tshendi lamʼakandahumana la Melekizedeke.

Khumadiondjo Akoto lu Dihuli DiʼAsi Lewi

11Naka elombedi wʼasi Lewi kumbeya mbete antu eluwanyi (ne dia antu wakalungula elembe uma le wo), ukundi akahumbi olombedi ukina ntumba uma lu diuhu dia Melekizedeke, aha uma lu diuhu dia Arona? 12Ne dia naka wakakadimulaka elombedi, diaki la wo dia nkadimula ndu elembe. 13Ne dia one latutelawo akambu aso, usi wudja ukina kendi, uma lu wudja ako waha la untu latsha ulimu wʼediakelu. 14Dikambu ne diambeyamaka ati: Khumesu akuto uma la Juda. Mose kumvuta nduku diui dikambu dia elombedi uma lu wudjʼa ako.

Kristu Atuyalaka la Lumu ne Dia Nteketela Antu

15Akambu ane wambuleka mbeyama, naka olombedi ukina ambutumba lu efanelu ka Melekizedeke, 16lakatungama aha uku olembe wʼantu, keli uma lu wulu a lumu lahalana. 17Ne dia wambuta dikambu diandi vati: Olombedi a pundju mbeye,Uku Melekizedeke.7:17 Esam. 110:4.

18Okone wakanya olembe omotshi wa la ntundu, ne dia olembe ako waki wodu, 19(ne dia elembe ako kunduwanya nduku dikambu). Okone wambela elungamelu kuleki ololo, kako kambutusukanya le Unyashungu.

20Vo kuntsha dikambu ne aha la etshibelu. 21Wane wakayalaka elombedi ntundu, wakasaka ulimu awo aha la etshibelu. Keli ndi, wakawete olombedi lʼetshibelu, le one lakati dikambu diandi ati: Khumadiondjo ambutshiba, Ndi hukadimula kanyi yandi; Olombedi mbeye pundju.7:21 Esam. 110:4.

22Okone Jesu ambuyala okole wa sheki yuleki ololo.

23Elombedi wa ntundu wakayalaka efula, ne dia nyoi akashimbaka ntetemala lʼulimu ako pundju. 24Keli ndi atutshikalaka pundju, ulimu andi wʼolombedi hakadimo. 25Okone ntu, ndi mbeyaka nshimbela wane watusukanaka le Unyashungu tena tshe dia dikambu diandi, ne dia ndi atuyalaka la lumu pundju ne dia mbateketela.

26Diambutusunganela dia shu ndjala la olomoedi a ladiku wʼekila, waha la lukesu, waha la akambu wa kolo, wutshikitanyi la antu wa kolo, wediami ladiku diʼulungu tshe. 27Ndi hahumbi nkimo elambu la lushi la lushi, uku elombedi wa ladiku: ntundu ne dia kolo yandi, lʼokongo ne dia kolo ya antu.7:27 Lew. 9:7. Ndi akashidiya dikambu diako pundju lʼetena otoi lamʼakandayakimo ndame. 28Ne dia elembe wambete antu waki weodu elombedi wa ladiku, keli diui diʼetshibelu diakayi lʼokongo wʼelembe, diakashikike Ona, lakaluwanyema pundju pundju.

HEBERU 8

Akambu wa Sheki ya Ntundu Kumbeya Nduwanya Atemodi

1Lu akambu wambututaka, dikambu dia wuki dieko okone: Shu teko la olombedi ladiku a wuhu oso, lakakjase lu lunya la pami la kiti ka diulelu ka Khumadiondjo lʼulungu,8:1 Esam. 110:1. 2ukambi wa lu etemwelo ndu lu luudu la dipema la mete, lakahiki Khumadiondjo, aha untu. 3Ne dia olombedi a ladiku tshe ambosonama dia nkimo eshasha la elambu, okone dieli la olombedi ako dia ndjala la engo ka nkimo. 4Utunduyala ndi aki la kete, tshiki ndi kundjala uku olombedi, ne dia akina weko watukimoka eshasha uku wata elembe. 5Vo watukambelaka esangwelu la didjidji dia diango dia lʼulungu ulimu, uku akewula Unyashungu Mose lamʼakandayangi mpika etumbu; akawutela ati: Enda, utshi diango tshe uku yediko yakamakenya lʼukungu.8:5 Etum. 25:40. 6Keli kakiane Kristu ambuyala la ekambelu kuleki ololo, uku umbidji a sheki yuleki ololo mbendi, yakadjama lu alaka wuleki ololo. 7Utunduyala sheki yako ya ntundu yaki ololo tshe, tshiki vo kumbidja sheki ya hendi.

Sheki yʼUyuyu

8Ne dia ndi akatani la munga lamʼakandati ati: Nyulungi, nshi yayuyala, mbata Khumadiondjo, Yayumudja sheki yʼuyuyu la khumbu kʼasi Isariyele Ndu la khumbu kʼasi Juda. 9Aha uku sheki yakamadji la watshewo Lu lushi lakamakimela lu lunya, Dia mbalombola uma lu kete ya Edjibitu; Ne dia vo kuntetemala lu sheki yami, Dimi kumbaenda, mbata Khumadiondjo. 10Khumadiondjo akati ati: Sheki nye mbayumudja la khumbu kʼasi Isariyele Lamʼayeta nshi sho; Dimi layudja elembe ami lu tukanyi tawo, Layefunda lʼetema awo, Ku dimi layuyala Unyashungu awo, Vo wayuyala wudja ami. 11Vo hawuyetshanya untu la unyandi, untu la unyandi; La untu la onangu, untu la onangu, ati: Eyi Khumadiondjo; Ne dia vo tshe wayumbeya, Uma le luleki tshitshe edja ndu le luleki wuki lʼatei awo. 12Ne dia dimi layuwauka ketshi lu kolo yawo, Dimi haluho munga yawo ntu.8:12 Jer. 31:31-34.

13Lamʼakandati dia sheki yʼuyuyu, okone ndi ambete sheki ya ntundu lʼokongo. Keli engo kaya edja, kaya umusu, kambuyanga nshisho pundju.

HEBERU 9

1Sheki ya ntundu yaki la adjangu dia otemwelo la etemwelo ka la kete. 2Ne dia wakalongosola luudu la dipema9:2 Etum. 26:1-30. lu dihuli dia ntundu, ekitshelu ka tala,9:2 Etum. 25:31—40. la mesa, la ma diʼEyalelu.9:2 Etum. 25:23-30. Dihuli diako diambetama ati: Dihuli diʼEkila. 3Lʼokongo a dihondo diʼekumbamelu dia hendi, luudu la dipema leko letawo vati: Ekila ka Dikila.9:3 Etum. 26:31-33. 4Donga dia paunyi dia ntshumba malashi9:4 Etum. 30:1-6. dieko loko, ndu oshete wa sheki wukumbami la paunyi ladiku tshe,9:4 Etum. 25:10-16. aki la puki ka paunyi kaki lu mana loko,9:4 Etum. 16:33. ndu danga dia Arona diakamene songusongu,9:4 Wal. 17:8-10. ndu pasi diʼave dia sheki;9:4 Etum. 25:16; Euh. 10:3-5. 5ladiku diawo kaki okeruba wa lutumbu wukumbi edie ka ketshi9:5 Etum. 25:18-22. Shu hateyi nyutela dia akambu ane otoi otoi kakiane.

6Ku lamʼukalongoswama diango so osoku, elombedi watotoka lu luudu lu dipema lu ntundu, watutshaka elimu awo.9:6 Wal. 18:2-6. 7Keli lu luudu la dipema la hendi, tshikima olombedi a ladiku katotoka woto otoi lu eleku la dikila, diakandakimo dia kolo yandi, ndu dikambu dia kolo yʼantu.9:7 Lew. 16:2-34. 8Nyuma kʼOlolo ambutenya dikambu so ati: Mbuka kʼutsha lʼetemwelo kutenuma lamʼakemadi luudu lu dipema la ntundu 9(lako leli djimbitelu yʼetena kene). Watukimoka eshasha la elambu waheyi lama mbete khumʼutema kʼotemodi ololo tshe, uku yediko yʼelongoswelo kene. 10Keli elembe wa dimba tu mbewo ndu mbu ya nde lu dinono ndu wehu efula wu diokelo diʼashi, wukadjama edja ndu lamʼakakuki etena kʼelongoswelo.

Keli Kristu Akalungwela Antu Etshungwelu ka Pundju

11Keli lamʼakene Kristu uku olombedi u ladiku a diango diʼololo diayayi, ndi aketi lu luudu la dipema luleki wuki lu uluwanyi (laki kumpikama lʼanya wʼantu, dia mvuta osoku ati: Aha ka etungelu kene). 12Ndi komboto la dikila dia mbudi la dia esongo wa ngombe, keli la dikila diandi ndame. Ndi akoto etena otoi lu Dihuli diʼEkila, lamʼakandalungwela antu etshungwelu ka pundju. 13Ne dia naka dikila dia mbudi la dia waumi wa ngombe,9:13 Lew. 16:15-16. la utuku wʼosongo a ngombe9:13 Wal. 19:9, 17-19. mbeyaka nkidia la mbedia antu uma lu kolo yawo lamʼamongawodiango diako, lʼalimba awo, 14undi dikila dia Kristu, aha la diwadi le Unyashungu lu wulu a Nyuma ka pundju, hadiuleki mbedia khumʼetema yanyu uma lu etsha wa nyoi, dia nyu nkambela Unyashungu a lumu ulimu uka?

Kristu Akatukanya la Sheki yʼUyuyu

15Dia dikambu so, mbukutukanya Kristu la sheki yʼuyuyu. Ndi akavu ne dia nyimanyia antu kolo yaki lu sheki ya ntundu, ne dia wane kukundeti walunguli daka dia ukito a pundju. 16Ne dia lene ambuyala daka, dieli la nyoi ka one lakadikimo ndjala shikaa, 17ne dia daka ndjalaka la wulu lamʼayuvo Dio kema lu wulu lameki kangadio lu lumu. 18Okone ndu sheki ya ntundu kunkidiama aha la dikila. 19Ne dia amʼakatela Mose antu adjangu tshe uku aki elembe, ndi akose dikila dia esongo wa ngombe la dia mbudi, ndu ashi la diosa dia tilili la lushindja, akamonge buku ndu ului wantu tshe; 20akati ati: Dikila ne dieko dia sheki yakanyudjangela Unyashungu.9:20 Etum. 24:6-8. 21Ntu, ndi akamonge luudu la dipema la alonga tshe wakawatshaka ulimu la dikila pupu.9:21 Lew. 8:15. 22Uku wata elembe, mbatami nti: Diango tshe diambediama la dikila, lamaha ekwelo ka dikila, keti edimanyelu ka kolo kema laawo.9:22 Lew. 17:11.

“Dia Minya Akambu wa Kolo Mbakandayakimo”

23Okone diaki la wo dia mbedia difanelu dia diango dia lʼulungu la elambu ene. Keli diango dia lʼulungu diame diakediama la elambu wuleki ene ololo. 24Ne dia Kristu komboto lu etemwelo kakatshama lʼanya wʼantu, efanelu ka mete mete, keli ndi akoto lʼulungu, ne dia menama lu ashu a Unyashungu dia dikambu diasu. 25Aha dia ndi ndjakimo ekimo efula, uku atotoka olombedi a ladiku lu Dihuli diʼEkila lu eleku la dikila diaha diandi. 26Naka osoku, diaki la ndi dia nsuwa tena efula uma lʼetatelu kʼandja. Keli ndi akenama etena otoi ketu lʼekumelu ka etena kene, ne dia minya akambu wa kolo mbakandayakimo. 27Uku dieli la antu dia mvo luvo otoi, ku elumbwelu ndjuya lʼokongo, 28okone ndu Kristu akakimoma etena otoi dia memba kolo yʼantu efula.9:28 Is. 53:12. Ndi ayene etena ka hendi, etali la kolo, le wane watukungelaka dia vo ndjala la panda.

HEBERU 10

Dikila Dia Nyama Kumbeya Minyia Antu Kolo

1Ne dia elembe waki didjidji tu dia akambu wʼololo wayayi, waha efanelu mete mete ka diango so, haweyi nduwanya waku watusukanaka la elambu watuwulambulaka lʼeleku lʼeleku. 2Naka osoku kema mete, tshiki vo kunkimo mbalambula uka? Utunduyala atemodi wakediama etena etoi, tshiki vo tawaki la wutshu wo kolo ntu. 3Keli lu elambu ako, kaki euhwelu kʼakambu wo kolo lu eleku lʼeleku. 4Ne dia dinila dia waumi a ngombe la dia mbudi hadieyi minyia antu kolo.

Lu Ndjakimo Uku Ulambu, Mbakandaluwanya Wane Wakakidiama

5Okone lamʼakayi Kristu la kete, ndi akati ati: We kunonga elambu la eshasha, Keli we akanongoswela dimba. 6We kongenangena lu elambu wo lutshumba, Kana lu elambu wo kolo. 7Ku dimi lakati nti: Enda, dimi lambuyo, Dia ndjutsha lulangu laye, we Unyashungu, Uku akawafundela lu wombo a buku.10:7 Esam. 40:6-8.

8Lamʼakandati ati: We kunanga kuyanga ngenangena lu nyama yʼelambu, elambu, elambu wo lutshumba la elambu wa kolo (elambu wakawalambula uku wata elembe), 9ku ndi akati ati: Enda, dimi lambuya dia ndjutsha lulangu laye. Ndi akanya dikambu dio ntundu, ne dia ndi nshikikadia dikambu dia hendi. 10Shu takakidiama lu lulangu landi, ne dia Jesu Kristu akakimo dimba uku ulambu etena etei.

11La olombedi tshe latemalaka la lushi la lushi atsha ulimu andi, atukimona ulambu pupu, waheyi minyo nelo.10:11 Etum. 29:38. 12Keli Kristu, lamʼakandayakimo etena otoi uku ulambu wa kolo, ndi okatudjase lu lunya la pami la Unyashungu. 13Ndi akakungi edja ndu atunyi andi wakavala kihuna kʼekulu andi.10:13 Esam. 110:1. 14Ne dia ndjakimo kandi uku ulambu mbakaedaluwanya wane wakakidiama. 15Ndu Nyuma kʼOlole ambutenya dinambu ne; ne dia lʼokongo, ndi akati ati: 16Sheki nye mbayumudja la wo Lʼonongo a nshi sho, mbata Khumadiondjo: Dimi layudja elembe ami lʼetema awo, Layefunda ndu lu yimba yawo.10:16 Jer. 31:33. Ku ndi akati ati: 17Dimi haluho kolo yawo nkuyanga uhedia awo ntu.10:17 Jer. 31:34.

18Lamʼeli edimanyelu kʼakambu ane, kema dikambu dia nkimo ulambu wo kolo ntu.

Tusukani la Etema a Mete

19Okone anyasu, ne dia shu la dihunga dia mboto lu etemwelo ne dia dikila dia Jesu, 20lu mbuka kakandatukiela, mbuka kʼuyuyu ka lumu, uma lu dihondo diʼekumbamelu, diatasu shati: Dimbo diandi, 21shu teko la olombedi a ladiku a lu luudu la Unyashungu. 22Okone tusukani lʼetema a mete wuludi la mbetawo, la etema asu wolongoswami10:22 Lew. 8:30; Ezek. 36:25. uma lu khumʼetema ya kolo, la alimba asu wotshami lʼashi a pudipudi. 23Tutetemali lu mbetawo kʼelungamelu kasu, to katukengama, ne dia one lakalaki daka ne eli la kolamelu. 24Tukananeli untu lʼuntu dia ntomboshanya lu ngandji la lu elimu wʼololo. 25Tatukimoki nsangana kame, uku eli etshelu kʼamotshi, keli tukikitshanyaki. Tuleki ntsha okone, ne dia nyambena nyati: Lushi lako laya suki.

Kema Ulambu Ukina Weya Nyimanya Kolo ya Untu Latetemala Ntsha Akambu wa Kolo

26Naka shu tayutetemala ntsha kolo lamʼeyasu mete, kema ulambu ukina weya nyimanya kolo yako, 27keli paka elungamelu ka woma wʼelumbwelu kayayi, la fono ka wulu ka dja yayutshumba atunyi.10:27 Is. 26:11. 28Untu lakonyola elembe wa Mose akavu, aha la ketshi, lu diui dia emenyi ehendi kana esatu.10:28 Euh. 17:6; 19:15. 29Ukundi akananyu diʼasui wa one lambukamela Onʼa Unyashungu la tshina diʼekulu andi, la ambete dikila dia sheki10:29 Etum. 24:8. yako yakandakidiama ati: Anyanya, la ambonyola Nyuma ka ngandji ka mamba, ayuleka tena ngana lu anyelu kandi? 30Ne dia shu mbeyaka one lakati ati: Somboya eko dikambu diami, dimi layafuta10:30 Euh. 32:35. Ntu ati: Khumadiondjo ayulumbuya antu andi10:30 Euh. 32:36. 31Dikambu dia mbuka woma mbedio, dia nko lanya wa Unyashungu a lumu.

Nyuho Ushikikalu Anyu a Ntundu

32Keli nyuho nshi ya ntundu, lamʼakayi yanyi ya Unyashungu le nyu, uku akanyashikikala lʼatei wʼasui efula. 33Lu leke lomotshi, nyu nyakayala uku engo ka menda wendenda uma lu tengo la asui anyu. Lu leke lukina, nyu nyakayala la akina wakasuwi wuhu ako. 34Ne dia nyu nyakuki asi lukanu ketshi, lamʼakanyohotola antu diango dianyu, nyaketawo lʼongenongeno, nyakeyi nyati: Teko la diango diuleki ololo, diayushikikala pundju. 35Okone tanyukimoki elungamelu kanyu, ne dia to keko la difutu dia wuki. 36Dieli la nyu dia ntetemala, dia nyu ntsha lulangu la Unyashungu, ku nyu nyayulungula daka diakandanyulaki. 37Ne dia lamʼayeta etenyi ka tshitshe, One laya ka ndja ayuya, hutshimbatshimba. 38Keli untu ami lʼololo ayuyala la lumu Uma lu mbetawo kanm. Ku naka ndi ayutsho ekongokongo, Ku utema ami hawongenangena10:38 Hab. 2:3-4.

39Keli shu kema lʼatei a wane watsho ekongokongo edja ndu lʼeshishwelu, keli teko lʼatei a wane weli la mbetawo ka nshimbela nyumu yawo.

HEBERU 11

Akambu Wakatshama ne Dia Mbetawo

1Mbetawo keli tshina dia akambu walungamelasu, keli uluwanyi wʼakambu wahatatenyi. 2Ne dia wakatela watshesu dia dikambu ne. 3Dia mbetawo, mbeyasu shati: Kete yakatungama la diui dia Unyashungu,11:3 Etat. 1:1; Esam. 33:6, 9; Joa. 1:3. okone diango dienama kuntungama uma lu diango dienama.

4Dia mbetawo, mbakalambula Abele Unyashungu ulambu wuleki wa Kena ololo. Lu dikambu so mbakawawuti vati: Untu ololo kendi, Unyashungu kakati osoku lamʼakandalungula eshasha andi. Lu mbetawo kako, mbakandateketa, kuyanga ndi ambuvokaka.11:4 Etat. 4:3-10. 5Dia mbetawo, mbakasekwama Enoka, dia ndi tenaki nyoi; ndi kuntanema, ne dia Unyashungu akosekola La ntundu kʼesekwamelu kandi, wakawuti vati: Ndi akangenyangenya Unyashungu.11:5 Etat. 5:21-24. 6Untu laha la mbetawo, heyi mbongenyangenya. Ne dia dieli la one layuya le Unyashungu mbetawo ati: Ndi eko, la ndi keli ufutshi a wane watuyangaka. 7Dia mbetawo, mbakenyama Noa akambu wahatayi uma le Unyashungu; dia woma a Unyashungu, mbakandalongosola watu a luudu dia nshimbela khumbu kandi11:7 Etat. 6:13-22. Dia dikambu ne, mbakandamia wa la kete, mbakandayala ukito wʼakambu wʼololo wa lu mbetawo.

8Dia mbetawo, lamʼaketama Abarahama, ndi akakitanyia diui dia ntsho lu dihuli diakandayangi nungula ukito andi. Ndi akunela, kumbeya utsha lene atandatshu.11:8 Etat. 12:1-5. 9Dia mbetawo, mbakandayala ongendangenda lu kete yakawulaki, uku lu kete yaha yandi, akadjaseka lu tumbu, kame la Isaka la Jakoba, ekito waki la ndi lu daka diame.11:9 Etat. 35:27. 10Ne dia ndi akalungamelaka usumba weli la tshina dia wulu, Unyashungu keli umbiki la olongosodi awo. 11Dia mbetawo, ndu Sara ndame akalungula wulu a ntsho diemi lamʼakindi usumbi11:11 Etat. 18:11-14; 21:2. ne dia ndi aketawo ati: One lakandaki eko la kolamelu. 12Okone untu otoi, laki uku untu ambuvo, ana efula wakayala uma le ndi uku toto ta lʼulungu, la uku lokongo la lʼumamu wʼashi a wuki, laheyama mbalema.11:12 Etat. 15:5; 22:17; 32:12.

13Wane tshe wakavu lu mbetawo la ntundu watalungula alaka, keli vo wakawaenyi uma lʼetali, wakalemia; waketawo vati: Antu wa kana la angendangenda mbesu la kete nye.11:13 Etat. 23:4; 1 Ek. 29:15; Esam. 39:12. 14Ne dia waku watutaka osoku, wambutenya vati: Ayangi wa kete yawo mbewo. 15Mete, utunduyala vo wakakanaka dia kete sho yakawamo, tshiki wakeyi nkalula loko. 16Keli kakiane vo nangaka kete yuleki ololo, yeli lʼulungu. Okone Unyashungu hawaukela sonyi dia vo mbeta vati: Unyashungu asu, ne dia ndi akalongoswela usumba.

17Dia mbetawo, mbakakimo Abarahama Isaka lamʼakandahimbama. One lakalungula alaka lʼongenongeno, akayangi nkimo onʼandi etoi lakanduti.11:17 Etat. 22:1-14. 18Ndʼako kakawati vati: Le Isaka, kayuweta tukanula taye.11:18 Etat. 21:12. 19Ndi aketawo ati: Unyashungu eko la wulu wa mbulula kuyanga wane wakavu; uma loko mbakandulungula uku djimbitelu. 20Dia mbetawo, mbakatshokola Isaka Jakoba la Esau dia akambu wahatayi11:20 Etat. 27:27-29, 39-40. 21Dia mbetawo, mbakatshokola Jakoba ana wa Josefu ahendi lamʼakandayangi mvo. Ndi akatemola Unyashungu, ekami lu danga diandi.11:21 Etat. 47:31—48:20. 22Dia mbetawo, lamʼakayangi Josefu mvo, ndi akati dia etumbelu kʼasi Isariyele, akawadjangela dia weka andi.11:22 Etat. 50:24-25; Etum. 13:19.

23Dia mbetawo, lamʼakuto Mose, ambutshi andi wakawushe ngondo shatu, ne dia vo wakenyi vati: Ona a dimena kendi. Vo kumbuka olembe a khumʼekanga woma11:23 Etum. 1:22. 24Dia mbetawo, lamʼakuli Mose, ndi akaseke mbetama ati: Onʼa ona umuntu a Farayo.11:24 Etum. 2:10-12. 25Ndi akaleki nanga nsuwa la antu wa Unyashungu, aha ngenangena lu akambu wa kolo tshenyitenyi. 26Ndi akakani ati: Lotengo ne dia Kristu lambuleka diango tshe dia lʼEdjibitu ongonyi, ne dia ndi akalungamelaka difutu diayayi. 27Dia mbetawo, mbakandamo uma lʼEdjibitu,11:27 Etum. 2:15. kumbuka kele ka khumʼekanga woma; ne dia ndi akatetemala, uku untu lena one lahenamaka. 28Dia mbetawo, mba-kandatatela dambu diʼElekanelu, la emongelo ka dikila, ne dia undjaki wʼana wa nundu atukuwananda.11:28 Etum. 12:21-30.

29Dia mbetawo, mbakawateho Uduwa a Tilili uku lu kete yambuma. Asi Edjibitu, lamʼakawahimbi osoku, vo wakaditama lu ashi.11:29 Etum. 14:21-31. 30Dia mbetawo, mbakanyuko kumbu ya Jeriko lamʼakawayitshimbi nshi esambeli.11:30 Jas. 6:12-21. 31Dia mbetawo, Rahaba, umuntu kanga luseka, kumvo kame la waku waki la uhedia,11:31 Jas. 6:22-25. ne dia ndi akalungula atopi la ki.11:31 Jas. 2:1-21.

Akambu wa Mbetawo wʼEdjedja Watotombosha Dia Shu Ntetemala

32Ukundi ayumuta ntu? Dihuli ha diukuki dia dimi mvuta dikambu dia Ngidiyona,11:32 Emb. 6:11—8:32. Baraka,11:32 Emb. 4:6—5:31. Samisona,11:32 Emb. 13:2—16:31. Jefeta11:32 Emb. 11:1—12:7. dia David11:32 1 Sam. 16:1—1 Khum. 2:11. la Samuele11:32 1 Sam. 1:1—25:1. la amvutshi — 33Dia mbetawo kawo, mbakawalembia waulelu, wakatshaka akambu wʼololo, wakalungula alaka, wakadihi enyo wa tambwe,11:33 Dan. 6:1-27. 34wakadimi dja ya wulu,11:34 Dan. 3:1-30. wakahandi pemo ka yombo. Uma lu weodu mbakawayala la wulu wakayala wulu lu ta, wakatshanya alimbi la angendangenda. 35Amantu wakalungula asikawo wakavu, wakulwama uma lu nyoi.11:35 1 Khum. 17:17-24; 2 Khum. 4:25-37. Akina wakakomwama wulu, kumbetawo ntshungwama, ne dia vo nungula eulwelu kuleki ololo. 36Akina waki la dikambu dia ntengama ndu dia nkomwama, ndu diʼekodi, ndu dia kanu.11:36 1 Khum. 22:26-27; 2 Ek. 18:25-26; Jer. 20:2; 37:15; 38:6. 37Vo wakukama ave,11:37 2 Ek. 24:21. wakahimboma pi la nso, wakahimbama, wakadiakema la tombo. Vo wakakendakenda wolotshikuhu diʼekoko la dia mbudi; wakahumbi, wakasuyama, wakatshamela kolo — 38wa la kete kombedima la wo ololo. Vo wakakendakendaka lu ahuli wa tosenga ndu ln ekungu ndu lu weuku, ndu lu afuku wa lu kete.

39Wane tshe wakeyama dia mbetawo kawo, kunungula daka. 40Unyashungu akatolongoswela dikambu diuleki ololo, dia vo watukuluwana aha uma le su.

HEBERU 12

Jesu Eko Utatedi la Unduwanyishi a Mbetawo Kasu

1Okone ne dia shu tambudingama la ului a wuki wʼemenyi, osoku ndu shu tunya wetshu tshe, la akambu wa kolo watutudingamaka lamʼesu weodu, tusaki esakelu kasu ka luwangu keli la ntundu lʼeteti. 2Tendaki Jesu, utatedi la unduwanyi wa mbetawo kasu, one lakashikikala lʼasui wa utamba a mpeketanya ne dia ongenongeno wakakitshama la ntundu kandi. Ndi akonyola sonyi kawo, akatudjase lu lunya la pami la kiti ka diulelu ka Unyashungu.

Mbekiyama le Shesu lʼUlungu Ayutotwela Elua wʼOlolo

3Nyukaneli one lakayashikike lʼatei wʼamonyodi wa kolo lu dikambu diandi, dia nyu nyutukokomo, nyutukuheko lʼetema anyu. 4Nyu nyatayashikike edja ndu dikila lamʼakanyalo la akambu wa kolo ta. 5Nyu nyambuhela daku diakawanyulaki uku le ana wa luta? — nti: Onʼami, tonyolaki ekiyelu ka Khumadiondjo, Kana mpeko lamʼayundukulaka. 6Khumadiondjo atekiyaka one lalangandi, Ndu atokomolaka ona tshe letawondi.12:6 Job. 5:17; Tuk. 3:11-12.

7Nyu nyathshikikalaka ne dia mbekiyama; Unyashungu atunyutshelaka uku anʼandi wa luta. Ona akona lahekiyama le shi? 8Keli naka nyu nyaha la ekiyamelu keli le antu tshe, keti ana wʼuma lu luseka mbenyu, aha ana wa luta. 9Dikambu dikina ntu, shu taki la washesu ne dia ntekiya, shu atakalemiaka. Osoku haleki ololo efula dia shu odjala lʼokongo a Shi etema asu, dia shu ndjala la lumu uka? 10Vo wakatekiyaka oshi motshi uku aki ololo lu ashu awo. Keli ndi ambutekia lu ololo asu, dia shu odjala elungudi wʼakambu andi wʼekila. 11Ekiyamelu tshe hafani lʼongenongeno lamʼekito, keli to keko la fono. Ku lʼokongo diku, to katotwelaka wane wambekiyama la to elua wa ki, weli elua wʼakambu wʼololo.

Tanyuyalaki Uku Esau

12Okone nyusimbuli anya womonyami, ndu adui wa dikhusi.12:12 Is. 35:3. 13Nyolongoswele ekulu anyu mbuka yʼusimbwi,12:13 Tuk. 4:26. ne dia untu latenguna tetoyamaki uma lu mbuka, keli ndi akono. 14Nyuyelaki akambu wa ki la antu tshe, ndu ekidiamelu keli untu laha la to, henyi Khumadiondjo. 15Nyendaki ololo, ne dia untu atukunga ngandji ka mamba ka Unyashungu; udiu a lutunu12:15 Euh. 29:18. atukutumba lʼatei anyu dia nyohenyahenya, ndu dia nanya antu efula. 16Untu tayalaki umunanyi, kana untu a kolo, uku Esau, ako lakasundja ukito andi la yema ya mbu ya nde.12:16 Etat. 25:29-34. 17Ne dia nyu mbeyaka nyati: Lamʼakandalangi nkita ntshoko lʼokongo diku, ndi akatunama, ne dia ndi komena dihuli dia nkadimula utema, kuyanga ndi akayangi wulu la asoi lu ashu.12:17 Etat. 27:30-40.

Akambu wa Diese wa Usika Kristu, la Akambu Weli la Ndi Dia Ntsha

18Ne dia nyu kunsukana la kene kakanyeyi munanda, dja yakahetaka, kaki tshududu, la udjima, la ngimbi, 19la diui dia pungi, la aui wa wulu. Lamʼkawuki gui aso, vo wakasengasenga Uyashungu vati: Tututelaki diui dikina ntu.12:19 Etum. 19:16-22; 20:18-21; Euh. 4:11-12; 5:22-27. 20Ne dia vo kumbeya mbetawo olembe ati: Naka oyama kemotshi kayunanaa ukungu ako, to kayukama ave.12:20 Etum. 19:12-13. 21Enelo keso kakaleki mbutsha antu woma, okone Mose akati ati: Dimi lambutamanya mbuka woma la lukumba.12:21 Euh. 9:19. 22Keli nyu nyambuya lu Ukungu wa Siona, lu ogelu ka Unyashungu a lumu, la Jerusalema ya lʼulungu, la le elui wa andjelo waheyama mbalema, 23ndu lu lusanganya lʼekelizia wa ana wa nundu wambufundama kumbu yawo lʼulungu, le Unyashungu Unumbushi wʼantu tshe, le nyuma ya antu wʼololo wambuluwanyema, 24ndu le Jesu oteketedi a sheki yʼuyuyu, lu dikila diamongawo mbatutela akambu wuleki wa Abele ololo.12:24 Etat. 4:10.

Diulelu Diaheyi Nsutshasutshama

25Nyendi, tanyutunaki one lanyutela akambu ako. Naka vo kumpanda lamʼakawatuni one lakawaewula la kete, dikambu diuleki diayutushimba mpanda naka tayonyola one latewula uma lʼulungu.12:25 Etum. 20:22. 26Lushi lako diui diandi diakasutshasutsha kete. Keli kakiane ndi ambutulaka ati: Etena kekina ntu layumusutshasutsha kete, aha kete tshu, keli ndu ulungu.12:26 Hang. 2:6. 27La diui ne ati: Etena kekina ntu, diambutenya ati: Diango diakasutshasutshama diayunyema, uku diango diakatungama, ne dia diango diahasutshasutshama diatshikali, 28ne dia shu tambulungula diulelu diaheyi nsutshasutshama. Tuyali la ngandji ka mamba, totemole Unyashungu la mbongenyangenya la kenemo la woma, 29ne dia Unyashungu asu eko dja yaheta.

HEBERU 13

Akambu wa Ntshanela la wa Ntshela Unyashungu

1Anyasu, nyutetemali mbukana ngandji. 2Tanyuhelaki menya ange-ndangena ketshi, ne dia amotshi wakahangia andjelo lamʼakiwo kumbalimbitela.13:2 Etat. 18:1-8; 19:1-3. 3Nyuhoki wane weli lu kanu, uku ndu nyu mbukelekami la wo; ndu waku wambusuyama, uku ndu nyu mbasuyama lu alimba. 4Diwala dialemiami le antu tshe, dia antu tawunanaki, ne dia Unyashungu ayulumbuya akanga a munanyi la luseka. 5Tanyuyalaki la saki ya diango. Nyuyali la ongenongeno lu diango dieli la nyu, ne dia Unyashungu ndame kakati ati: Dimi hakoseke, halakutshiki.13:5 Euh. 31:6, 8; Jas. 1:5. 6Okone shu tambuta shati: Khumadiondjo keli ukimanyidi ami; haluki woma. Kayuntshela untu?13:6 Esam. 118:6.

Jesu Kristu Eko Pupu Nshi Tshe

7Nyuhoki elombodi anyu, wakanyutelaka diui dia Unyashungu. Nyukani yimba ya ditshelu diawo, nyukuya mbetawo kawo. 8Jesu Kristu eko pupu lui ndu elo, ndu pundju. 9Tanyunganyiamaki la wetshelu wa wehu la wehu wʼantu. Ndeka ololo dia utema nshikikala lu ngandji ka mamba, aha lu mbu ya nde, yahasha watuyiyangaka waho. 10Shu teko la ediakelu, kaheyi wane watutshaka ulimu wa luudu la dipema nde loko. 11Ne dia etundu wa nyama ku yatelaka olombedi a ladiku dikila diayo lu etemwelo uku ulambu wʼakambu wa kolo, yatutshumbamaka lʼandja a pangu.13:11 Lew. 16:27. 12Okone ndu Jesu akasuwi lʼandja a suku dia lukumbu, ne dia nkidia antu lu dikila diandi. 13Okone tutshu le ndi lʼandja a pangu, totengami la ndi. 14Ne dia shu kema la usumba wa pundju lindu, keli tatuyangaka usumba wayayi. 15Dia dikambu diandi, tukimoki ulambu wa mandulaka Unyashungu nshi tshe, uku elua uma lu elomo watetawoka lukumbu landi. 16Keli tanyuhelaki ntshanela ololo la nkimanyanyiana, ne dia Unyashungu atongenangenaka lʼelambu wa wuhu oso.

 

Nyuyali la Ndjakitshakitsha

17Nyukitanyia aui wʼelombodi anyu, nyuyali lʼokongo awo, ne dia vo watosenaka dia etema anyu, uku antu wayedika la Unyashungu diango Vo watutshaka dikambu so la ongenongeno, aha la lunyangu, ne dia dikambu diako hadiunyusha nduku waho.

Dia Mbalombela

18Nyutolombelaki, ne dia shu tambeya shati: Teko la khumʼutema kʼololo, shu nangaka ndjala la kenemo lu akambu tshe. 19Dimi lambutamanya nyokokomiya dia nyu ntsha wuhu oso, dia dimi nkalula le nyu esadi.

Aui wa Ntshokola la wa Ntumbula

20Unyashungu a ki, lakâkaluya ulami a wuki wʼekoko uma lu nyoi la dikila dia sheki ya pundju, Khumesu Jesu, 21anyuluwanya lu elimu wʼololo tshe dia nyu ntsha lulangu landi, dia ntsha akambu weli la kenemo lu ashu andi, dia Jesu Kristu! Lutumbu layali le ndi pundju pundju! Ayali osoku!

Aui Akina, la Moyo

22Anyasu, dimi lambunyokokomiya nti: Nyetawo diui diakamanyewula, ne dia lakanyufundela paka aui tshitshe. 23Nyeyi nyati: Unyasu Timote akatshungwama uma lu lukanu. Naka ndi ndja esadi, keti dimi layuya kame la ndi dia ndjunyenda. 24Nyusha elombodi anyu tshe moyo, ndu ekilami tshe. Wa lʼItaliya wambunyutumela moyo. 25Ngandji ka mamba kayali la nyu tshe! Ayali osoku!